Чулман

МУНЧАДА ЧАБЫНЫРГА ЯРАТУЧЫЛАРГА (дәвамы) Үләнлесе Әрем, сары мәтрүшкә, кычыткан, гөлбадран кушып бәйләргә була. Аларны чәчәк атканда җыярга кирәк. Бөтнекне исә җәй буе җыярга мөмкин: тән тиресен яшәртә, тынычландыра, сулыш юлларына уңай йогынты ясый. Мунчада себеркене ничек кулланырга? ✔Яңа себеркене, йомшартып җибәрү өчен, җиңелчә генә каккалап-суккалап куйсаң, шул җитә. ✔Кипкәнен башта 1 минутка салкын суга тыгып аласы, шуннан кайнар суда (80 градус чамасы) 20 минут тирәсе тоталар. ✔Себеркене судан алып, артык суын коеп төшергәч, мунча ташына су сибәләр һәм миллекне түшәмгә кадәр күтәреп, кулда берничә тапкыр әйләндерәләр. Бу, тәнне җылытып, мунча һавасына каен фитонцидлары бөркү өчен шулай эшләнә. ✔Чабына башлаганчы, мунча ташы өстенә куеп җылытылган себеркене тәнгә тидермичә генә җилписе. ✔Шуннан соң себерке белән сыйпап, суккалап, тән буйлап «йөреп» чыгасы. Лимфа агымы буйлап – аяклардан өскә таба чабынасы. ❗Бер тапкыр чабыну 3-5 минуттан артмасын. 🛑Искәрмә: организмны «тыңлап» кына чабыну, ягъни кан басымы, аллергия, сулыш юлларындагы кимчелекләр турында онытмагыз! Шулай ук ялкынсыну вакытында, йөрәк-кан тамырлары авырулары көчәйгәндә чабынырга киңәш ителми. Чыганак: Ватаным Татарстан "Каен агачы бар җирдә авыру бармы икән?” – дип әйтәләр, ди, каен агачы үсмәгән җирләрдә. (Татар халык мәкале)

МУНЧАДА ЧАБЫНЫРГА ЯРАТУЧЫЛАРГА 🌲🌿Тән тиресен ялтыратып, сулыш алуны җиңеләйтеп җибәргән мунчаның төп сере нидә? Каен себеркесендә! Сулыш юлларын, гомумән, бөтен организмны чистарта, массаж ясый чөнки. Үләнче Фирая Захарова себерке җыю серләре белән уртаклаша. Кайчан җыясы: ✅ каен себерекесен – июньнән июль уртасына кадәр ✅ имән себеркесен июль уртасыннан август башына кадәр Сихәте: – каен себеркесе организмны чистарта; кайрысы, кайры, бөресе, яфрагы бик күп файдалы матдәләрдән тора: алар, тән тиресе аша үтеп, токсин һәм шлакларны чыгара; – юкә себеркесе тән тиресе күзәнәкләрен чистарта, иммунитетны ныгыта, баш миен тынычландыра; – имән эфир майларына бай; – усак тәннең бөтен күзәнәкләрен «уятып», сихәтләндереп җибәрә; – артыш хуш исле, тәнгә массаж кебек тәэсир итә (боларын марля белән төреп чабынырга кирәк); – чыршы себеркесе югары температурада эфир майлары бүлеп чыгара, ә алар сулыш органнары, нерв системасы өчен файдалы (тәнне чәнчи дисәгез, мунча стенасына элеп куярга мөмкин). Сүзлек Артыш – можжевельник Имән – дуб Каен – береза Усак – осина Чыршы – ель Юкә – липа Кайры – кора Бөре – почка Гөлбадран – пижма